බත් පතට වැලි දැමීම..

බත් පතට වැලි දැමුව

බත් අතට ඇණ ගැහුව

බත්ම කන මහත්වරුනේ ගරුතර

පත්තරවලට අමතර..

බස්තමක් වුව වනන්නට දුරක් ඇත

මට්ටුවක් වුව කරන්නට කලක් ඇත

මඳහසින් බොටුව වෙත පනින විට

කැඩපතින් බලනු මැන නුඹේ වත..

බහට නිරිඳුන් තෙපළ බලය ගැන සිතුණු සඳ

කෙවිටකින් නොතලාම වුව දණින් වැටුණු සඳ

රජ භොජුන් වළඳමින් ආත්මය වළ දැමුව

අතීතය මරන්නට පහසු නැත

මිහිරි වුව මුසා බස් පවිටුමය

ගලන්නේ සිත්වලින් කහටමය

ඊනියා කිත් යසස් සුමටමය

මේනියාවක් වුණේ පවටමය

ඒ නිසා මැතිඳුණේ බත්ම කන

බත් පතට වැලි දමන විටදි තව

ඉක්මනින් සක්මනට නොයනු මැන

යපස් ගිනි දියෙන්මය උදම් වන

යදම් පුපුරවාලයි උදම් රළ..