Wednesday 13 January 2016

ඇල්ජීරියාව හා ලංකාව...



ව්‍යවස්ථාවක් හදාගැනීමේ ප්‍රශ්නයෙන් ලංකාව පෙලෙද්දී ව්‍යවස්ථානු ඒකාධිපතිත්ව නිසා පීඩා විඳින රටවල් ලෝකයේ තවත් තිබෙනවා. ලංකාවේ 18 වැනි සංශෝධනය වගේ ඒකාධිපති ව්‍යවස්ථාවලින් දිගටම පාලන බලයේ රැඳී ඉන්න ගේම් ගහපු හා තවමත් ගේම් ගහන පාලකයන් තවත් ඉන්නවා. මධ්‍යධරණී මුහුදටත් ලිබියාවටත් ටියුනීසියාවටත් මොරොක්කෝවටත් මායිම් වෙලා තිබෙන  උතුරු අප්‍රිකානු රටක් වන ඇල්ජීරියාවත් මේ වෙනකොට ගිණියම් වෙලා තිබෙන්නෙ එවැනි පාලකයෙක් නිසයි. නොකර බැරි තැන

පොලිස් බලයට යටවන මහජනයා


ප්‍රතිවිරුද්ධ දේශපාලන පක්ෂ ෆ්ලැට් කරලා ඡන්ද තියන්න සූරයෙක් වෙච්ච මෙයා මීට කාලෙකට කලින් නම් ඒ රටට වීරයෙක් වුණා. එයාගෙ නම ආබ්දෙලාසිස් බූටෙෆ්ලිකා. අපට ආගන්තුක වුණාට යුරෝපයේ අප්‍රිකාවෙ මෙයා හරි ප්‍රසිද්ධයි. අරාබි වසන්තයේ සුළඟ ඇල්ජීරියාවටත් හමාගෙන ආවෙ නැතුව නෙවෙයි. හැබැයි ගඩාෆිට වඩා හමුදා සහාය ලැබුණු නිසා මෙයා ජාමෙ බේරගත්තා. ඒත් මේ වෙද්දි නැවතත් මහජන උද්ඝෝෂණ දරුණු විදියට මතුවෙමින් තිබෙනවා. ඒ නිසාම ජනාධිපති ධුරයේ රැඳී ඉන්න පුළුවන් වාර දෙකකට පමණයි කියලා ව්‍යවස්ථා සංශෝධනයක් කරන්න දැන් මෙයා කටයුුතු කරමින් ඉන්නවා කියලයි කියන්නේ.

එක වල්ලේ පොල්- සදාම් හුසේන්, අල් අසාද් සමඟ

ලෝකෙට පරකාසේ- බ්‍රසීල ජනපති ලූලා ද සිල්වා සමඟ

ඒකාධිපතියන්ට රුසියාව සෙවණක් ද?- පුටින් අමතක නෑ


මෙයාගෙ ඉතිහාසයත් ඒ තරම්ම හොඳ එකක් නෙවෙයි. 1922 දි අහමඩ් බෙන් බෙල්ලාගේ රජයේ තරුණ හා ක්‍රීඩා කටයුතු ඇමැතිවරයා හැටියට කැබිනට්ටුවට රිංගපු බූටෙෆ්ලිකාට 1965- 79 කාලයේදී බරපතල මූල්‍ය වංචාවකට චෝදනා එල්ලවුණා. එතකොට ඔහු දැරුවෙ විදේශ ඇමැතිකම. වංචාවේ තරම ඇල්ජීරියානු ඩිනාර් මිලියන 60 ක්. ඒත් වර්තමාන ලංකාවෙ වගේම පසුව පැමිණි පාලකයා ඔහුට සමාව දුන්නා. වර්තමාන ඇල්ජීරියාව මේ තරම් අභාවවාචී ඉරණමකට ගොදුරු වෙන්න තරම් ඒ තීන්දුව බලපාවි කියලා ඇතැම්විට ඒ ජනාධිපති හිතන්නේ නැතුව ඇති.

කොහොම වුණත් හරිහැටි ස්ථාපිත නොවුණු රාජ්‍යය තුළ මෙයාට අහඹු ලෙස නැවත වාසනාව කැරකිලා එනවා. ඒ 1999 දි. හමුදා සහාය කියන ප්‍රබල සාධකය උඩ ජනාධිපතිවරණයෙන් සීයට 74 ක ප්‍රතිශතයක් ඡන්ද අරන් තමයි මෙයා දිනුවෙ. අපේ හිටපු ජනාධිපතිවරයා වගේම බලයට ආවට පස්සේ තෝරාගත් රටවල් සමඟ සබඳතා තර කරගැනීමට බූටෙෆ්ලිකා කටයුතු කළා. එරිත්‍රියාව හා සෝමාලියාව සමඟ සමගි සන්ධානයකට එළඹුණු ඔහු අසල්වැසි ස්පාඤ්ඤයත් එක්කත් මිත්‍ර සන්ධානයකට ආවා. ප්‍රංශ ජනාධිපති ජැක් ශිරාක් පවා 2002 දී ඇල්ජීරියාවේ සංචාරයක නිරත වුණා. ඒත් ඔහු තමන්ගේ ඉලක්කයට රට අභ්‍යන්තරයේ හෙමින් ගමන් කරමින් හිටියේ ඉතාම සූක්ෂමවයි.

ඒකාධිපතියෝ පුංචි වුන් අමතක නොකරති


බූටෙෆ්ලිකාගේ ප්‍රධානම ආයුධය වුණේ ජනමත විචාරණ හා ව්‍යවස්ථා සංශෝධනයි. ප්‍රජාතන්ත්‍රවාදී උපක්‍රම මඟින් ප්‍රජාතන්ත්‍රවාදය වලපල්ලට යවන නූතන ක්‍රමය එයා හොඳින් අභ්‍යාස කළා. මේ නිසාම 2009 හා 2014 අන්තිමේදි පැවැති ජනාධිපතිවරණ වර්ජනය කරන්නට විපක්ෂයේ පක්ෂ කටයුතු කළා. ඇල්ජීරියාවේ සිදුවන ප්‍රජාතන්ත්‍රවිරෝධී බොහෝ ක්‍රියාකාරකම් හා සිදුවීම් බැලුවාම ලංකාවත් ඇල්ජීරියාවත් අතර සාම්‍යක් පෙන්නුම් කරන තැන් තිබෙනවා. ඇතැම් දේ සිදුවීම්.

ඇල්ජීරියාවෙ ව්‍යවස්ථාව හැදුවේ 1976 දි. අපට චුට්ටක් කලින්. ව්‍යවස්ථාවෙ මොනවා තිබුණත් බලය දැරීමට හමුදා සහාය අතිශය වැදගත්. අපේ වගේම රාජ්‍ය නායකයා ජනාධිපති. ආණ්ඩුවේ ප්‍රධානියා අගමැති කිව්වට එයා ජනාධිපතිගේ රබර් මුද්‍රාවක් විතරයි. දේශපාලන පක්ෂ 40 කට වඩා තිබුණත් ඒවා තිබෙන්නේ මර්දනය කළ තත්ත්වයක.

මාධ්‍ය මර්දනයත් අනිවාර්ය අංගයක්


ඇල්ජීරියාව කියන්නෙත් අපි වගේම සිවිල් යුද්ධයකින් දැඩි සේ පීඩා විඳි රටක්. වසර දහයක් තිස්සේ පැවැති මේ  යුද්ධයෙන් ජීවිත මිනිස්සු ලක්ෂ එකහමාරක් පමණ ඝාතනය වුණා කියලයි වාර්තා වෙන්නෙ. සිවිල් යුද්ධය..පස්සෙ සංහිඳියා තත්ත්ව තුළ පීඩකයන්ටත් වින්ධිතයන්ටත් පොදු තැනකට එන්න වුණා. කොහොම වුණත් අධික උද්ධමනයත්, අධිකාරිවාදී පාලන රටාවත්, අවම වැටුප්, විරැකියාව, අසාධාරණ බදු අාදියෙන් දැඩි සේ පීඩා විඳින ඇල්ජීරියානුවන්ගේ කෝපය මේ වනවිට තිබෙන්නේ උතුරා යන තත්ත්වයකයි. මේක ඒකාධිපති ජනාධිපතිටත් හොඳටම තේරිලා. ඇල්ජීරියානු මහජන විරෝධතාවන්ට සහාය දක්වන්නේ ලොව පුරා වෙසෙන ප්‍රජාතන්ත්‍රවාදය අගයන පිරිස් පමණක්ම නෙවෙයි. විවිධ අන්තවාදී කල්ලි කණ්ඩායමුත් ඒ අතරේ ඉන්නවා. කොහොම වුණත් මේ ඒකාධිපති පාලකයාට මේ මර්දනකාරී පිළිවෙත වැඩිකල් ගෙනයන්න ලැබේවි කියලා නම් හිතන්න අමාරුයි. (මහජන විරෝධතා.. උත්සන්නයි

දහසක් ප්‍රශ්න මැද වුණත් අප්‍රිකාවෙ සූරයෝ 

Tuesday 12 January 2016

කොළඹ අැඩිලේඩ් වේවි ද?



ඕස්ට්‍රේලියානු ජ්‍යෙෂ්ඨ පුරවැසියන් සිය පෞද්ගලික මෝටර් රථ වෙනුවට පොදු ප්‍රවාහන සේවය භාවිත කිරීමේ ප්‍රවණතාවයක් පෙන්නුම් කරන බව ඇඩිලේඩ් සරසවිය පවසනවා.

දකුණු දිග ඕස්ට්‍රේලියාවේ අගනුවර වූ ඇඩිලේඩ්හි එක් සතියකදී පමණක් ජ්‍යෙෂ්ඨ පුරවැසියන් එක්ලක්ෂ පනස් දහසක් පමණ සිය නිදහස් ප්‍රවාහන වරපත පාවිච්චි කරමින් ගමන් බිමන් යෑම සිදුවන බව ඔවුන් සමීක්ෂණයක් මඟින් හෙලිකරගෙන තිබෙනවා.. 

ඇඩිලේඩ් සරසවිය 


 එමඟින් සොයාගත් තොරතුරු පුදුමසහගතයි කියලයි ඕස්ට්‍රේලියානු ජනගහණ හා සංක්‍රමණික පර්යේෂණ මධ්‍යස්ථානයේ වැඩ බලන අධ්‍යක්ෂ ආචාර්ය හෙලන් ෆියෙස්ට් මහත්මිය කියන්නේ..

ස්වෙච්ඡා සේවයට, යාළු මිත්‍රයන් බලන්න, මුණුපුරු මිණිපිරියන් සමඟ ඇවිදින්න, කලා සාහිත්‍ය උළෙලවලට සහභාගී වෙන්න ඔවුන් මේ විදියට පොදු ප්‍රවාහන සේවය පාවිච්චි කරනවා. මෙමඟීන් සතියකට කාර් 80 000 ක් පමණ මහා මාර්ගවලින් ඉවත්කර තියන්න හැකිවෙනවා. 

ආචාර්ය ෆියෙස්ට් කියන විදියට ජ්‍යෙෂ්ඨ පුරවැසියන්ගේ යහපත් ජීවන තත්ත්වයටත් මෙම පොදු ප්‍රවාහනය ඉතාම වැදගත්. මේ නිසා පොදු ප්‍රවාහනය තවත් පුළුල් කිරීමට මේ නව ප්‍රවණතාව අවස්ථාවක් කරගන්න ඕනෑ කියලයි ඇය අවධාරණය කරන්නේ.



ගම්වාසී ජනතාව මේ අතින් ටිකක් අවාසනාවන්තයි. මොකද ඔවුන්ට පොදු ප්‍රවාහන සේවා සැපයීම නගරයට සාපේක්ෂව අඩුයි. නිර්මාණාත්මක ක්‍රමවේද මඟින් අපට ඒකට උත්තර හොයන්න පුළුවන්. උදාහරණෙකට පාසලේ ඉගැන්නුම් ක්‍රියාවලිය සිදුවෙන වෙලාවලදි පාසල් බස් පොදු ප්‍රවාහනයට යොදාගන්න පුළුවන්. 

ඇය වැඩිදුරටත් කියන්නේ ඇඩිලේඩ්හි පාවිච්චි කරන මේ පොදු ප්‍රවාහන ක්‍රමවේදයන් අනෙකුත් නගරවලටත් පාවිච්චි කරන්න පුළුවන් කියලයි.. ඒ විතරද? 

පොදු ප්‍රවාහනය මුළුමනින්ම අවුල් ජාලයක් වෙච්ච ලංකාව වගේ රටවලටත් මේවායින් කොච්චර නම් දේවල් ඉගෙන ගන්න පුළුවන්ද? හැබැයි ජාතික ප්‍රතිපත්තියක් කිය කියා පුරසාරම් දොඩවන ටොම් පච කියන නිලධාරින් හා දේශපාලකයන්ට නම් ඇඩිලේඩ්වලින් වුණත් පාඩමක් ඉගෙනගත්තට නරක නෑ.. 

ලංකාවෙ නම් කොළඹ තමයි ප්‍රවාහනය හිසරදයක් බවට පත්වෙලා තියෙන තැන. ප්‍රවාහනය සම්බන්ධයෙන් ප්‍රමාණික දැනුමක් තියෙන මොරටුව විශ්ව විද්‍යාලයේ මහාචාර්ය අමල් කුමාරගේ මහත්තයාගේ කතාවත් මේ ගමන් පොඩ්ඩක් බලමු.... 


බස් සේවයට කෙරෙන ආයෝජනය බස් රථ පර්යන්තයක් දුටු ගමන් පේනවා. අධිවේගී මාර්ග තිබුණාට සමබර ආයෝජනයක් නොවීම හේතුවෙන් තමයි අද වාහන තදබදය ඇතිවෙලා තිබෙන්නේ. ඉතින් අපි දකින්නේ පොදු ප්‍රවාහනය මේ ආකාරයෙන් නවීකරණය වුණේ නැත්නම් ඊළඟ අවුරුදු පහ හය වෙනකොට සමහර විට වාහනවල වේගය පයින් යන වේගයටම එන්න පුළුවන්. වෙනත් රටවල ඒක සිදුවෙනවා අපි දැකලා තිබෙනවා. එවැනි තත්ත්වයක් විසින් විශාල ආර්ථික පසුබෑමක් ඇතිකරන්න පුළුවන්. මොකද ජාත්‍යන්තර වරාය, ජාත්‍යන්තර ගුවන්තොටුපල සියල්ල තිබෙන්නේ බස්නාහිර පළාතෙයි. ඒ නිසා කොළඹ පමණක් නෙවෙයි. රටේ තිබෙන සියලු සේවාවන්වලටත් එය බලපානවා. එනිසා මෙගාපොලිස් සංවර්ධන ව්‍යාපෘතියේදී ප්‍රවාහන අංශය ප්‍රතිව්‍යුහගත කිරීම සැලැසුම්සහගතව කඩිනමින් සිදු විය යුතු යැයි මම විශ්වාස කරනවා“ 


Wednesday 6 January 2016

පාකිස්තානෙන් ලංකාවට ප්‍රහාරක ජෙට් 7ක්..




නවාස් ෂරීෆ් ලංකාවට ඇවිත් මෛත්‍රිපාල සිරිසේන ජනාධිපතිවරයා සමඟ අස්සන් කළ ගිවිසුම්වල ප්‍රතිපලයක් හැටියට ප්‍රහාරක ජෙට් යානා හතක් මිලට ගැනීමට ලංකාණ්ඩුව කටයුතු කරනවා.

ඒ J-F17 වර්ගයේ ප්‍රහාරක ජෙට් යානා හතක්..

පාකිස්තාන් ගුවන් හමුදාව නම් දැනටමත්  J-F17 පාවිච්චි කරනවා. ඒ ත්‍රස්ත මර්දන ප්‍රහාරවලට. 

එරට මාධ්‍ය සඳහන් කරන විදියට නම් පාකිස්තානු ප්‍රහාරක ගුවන් යානා මිලදී ගැනීම්වලට ශ්‍රී ලංකාව අවස්ථා කීපයක දී සාකච්ඡා සිදුකර තිබෙනවා.  ඒක සිදුවෙලා නැත්තේ ඉන්දියානු මැදිහත්වීම් නිසයි. ඒකට හේතු වෙලා තිබුණේ මෙම ප්‍රහාරක ජෙට් චීන නිපැයුමක් වන නිසා ලංකා ගුවන් හමුදාව ඒවා භාවිත කිරීම ඉන්දියාවට තර්ජනයක් වේවි කියලයි. 

කොහොම නමුත් එම බාධා නොසළකා ගනුදෙනුව ස්ථිර වෙලා තිබෙන්නේ පාකිස්තානු අගමැතිවරයාගේ ශ්‍රී ලංකා සංචාරයෙන් පසුවයි. පාකිස්තානු අගමැතිවරයා ඉන්දීය අගමැතිවරයා එක්ක යාළු මිත්‍රකම් වර්ධනය කරගැනීම මේකට හේතු වුණා වෙන්නත් පුළුවන්..( නවාස් ෂරීෆ් කොළඹ සිට මෝඩිට සහතිකයක් දෙයි)

එල්.ටී.ටී.ඊ සිව් වැනි ඊළාම් යුද්ධයේදී ශ්‍රී ලංකා රජයට අවි සැපයීම මඟින් පාකිස්ථානය ලංකාවට වඩාත් සමීප වුණා..

මූලාශ්‍ර- http://economictimes.indiatimes.com/

ජපානය උතුරු කොරියාවට සම්බාධක පනවාවි ද?


උතුරු කොරියාව සීරුවෙන්

උතුරු කොරියාව විසින් අත්හදා බලන ලද හයිඩ්‍රජන් බෝම්බය සිය ජාතික ආරක්ෂාවට පැහැදිලි තර්ජනයක් යැයි ජපානය මේ වනවිට පවසනවා.

ජපාන අගමැති ෂින්සෝ අබේ පවසන්නේ එක්සත් ජාතීන්ගේ ආරක්ෂක මණ්ඩල සම්මුතින් උල්ලංඝනය කෙරෙන ආකාරයෙන් සිදු කෙරුණු මෙම පරීක්ෂණ නිසා උතුරු කොරියාවට සම්බාධක පැනැවීම සම්බන්ධයෙන් කරුණු සොයා බලනවා කියලයි.

හයිඩ්‍රජන් බෝම්බ පරීක්ෂාවෙන් පසුව  උතුරු කොරියාවේ ඊසාන දිග පෙදෙසහි සිදු වූ කම්පන තත්ත්වය සමඟ ජපානය වහාම සිය ආරක්ෂක මණ්ඩලය කැඳවුවා. 

භූ දේශපාලනික අවුල


ඇමෙරිකාව, රුසියාව ,චීනය හා  දකුණු කොරියාව සමඟ සාකච්ඡා කර මේ සම්බන්ධයෙන් තීරණයක් ගන්නා බව ජපානය පවසනවා.

උතුරු කොරියානු රාජ්‍ය මාධ්‍ය වාර්තා කර තිබුණේ සිය පළමු හයිඩ්‍රජන් බෝම්බ පරීක්ෂණය සාර්ථකව නිමා වූ බවයි. 

උතුරු කොරියාව මීට පෙර න්‍යෂ්ටික අත්හදාබැලීම් කළේ 2006, 2009 හා 2013 යන වසරවලදීය. 

මූලාශ්‍ර - ද හින්දු

Tuesday 5 January 2016

නවාස් ෂරීෆ් කොළඹ සිට මෝඩිට සහතිකයක් දෙයි..

අනපේක්ෂිත ප්‍රහාරයෙන් හමුදාව අසීරුවට පත්ව

පතන්කෝට් ගුවන් හමුදා කඳවුරට එල්ල වූ ත්‍රස්ත ප්‍රහාරයට වගකිවයුත්තන් සෙවීමට සිය පූර්ණ සහාය ලබාදෙන බව පාකිස්තානු අගමැති නවාස් ෂෙරීෆ් ඉන්දීය අගමැතිවරයාට දුරකතන ඇමතුමක් දෙමින් සහතික වී තිබෙනවා. පාකිස්තානු අගමැතිවරයා මෙම දුරකතන ඇමතුම ලබා දී ඇත්තේ තම ලංකා සංචාරය අතරතුර කොළඹ සිටයි. මිනිත්තු 15 ක් තිස්සේ රාජ්‍ය නායකයන් දෙපළ අතර මෙම දුරකතන සංවාදය සිදු වී ඇත්තේ දෙරටේ ජාතික ආරක්ෂක උපදේශකයන් අතර සිදු වූ සාකච්ඡාවකින් පසුවයි.

මුර සංචාර අඛණ්ඩව..


කතාබහෙන් පසුව ඉන්දීය ආරක්ෂක අමාත්‍යංශය නිවේදනයක් ද නිකුත් කළා. පතන්කෝට් ත්‍රස්ත ප්‍රහාරයට වගකිව යුතු සංවිධාන හා පුද්ගලයන්ට එරෙහිව පාකිස්තාන රජය සෘජු හා කඩිනම් පියවර ගත යුතු බව අගමැති නරේන්ද්‍ර මෝඩි අවධාරණය කරනවා. ප්‍රහාරයට අදාළ තොරතුරු මේ වනවිට ඉන්දීය රජය විසින් පාකිස්තානු රජයට ලබා දෙනු ලැබ තිබෙනවා.. යැයි එම නිවේදනයේ සඳහන් වුණා.

ඉන්දියාව හා පාකිස්තානය අතර සාමය ගොඩනැන්වීමට අවංකවම උත්සාහ කළ සෑම අවස්ථාවකදීම පාහේ එය කඩාකප්පල් කිරීමට ත්‍රස්තයන් උත්සාහ කරන්නේ යැයි පාකිස්තානු අගමැතිවරයා පැවැසූ බව ඉන්දීය අගමැතිවරයාගේ මාධ්‍ය ප්‍රකාශකවරයා එරට මාධ්‍යට පවසා තිබුණා. ත්‍රස්තයන්ගේ දුෂ්ට ක්‍රියාකලාපයට දැක්විය හැකි හොඳම ප්‍රතිචාරය වන්නේ දෙරට අතර මිත්‍රශීලී හා සහයෝගී සම්බන්ධයක් ගොඩනැගීම බවට රාජ්‍ය නායකයන් කතිකා කර ගත් බවට ද ඔහු වැඩිදුරටත් අදහස් දක්වා තිබුණා.



 කෙසේ නමුත් දේශපාලන විචාරකයන් පවසන්නේ ඉන්දීය අගමැතිවරයා දෙසැම්බර් 25 වැනිදා කළ හදිසි මෙන්ම විස්මය දනවන පාකිස්තානු සංචාරයෙන් පසුව එල්ල වූ මෙම ප්‍රහාරය ඉන්දු පාකිස්තාන් රාජ්‍ය තාන්ත්‍රික සබඳතාවලට එරෙහිව නැගුණු කළු වලාවක් බවයි.

ශ්‍රී ලංකාවේ රඳවා සිටින ඉන්දීය ධීවරයන් තෛපොංගල් ගැන අපේක්ෂාවෙන්..



ධීවර යාත්‍රා තුනකින් අනවසරයෙන් ශ්‍රී ලාංකීය මුහුදු සීමාවට ඇතුලු වූ ඉන්ධීය ධිවරයන් 12දෙනෙක් ඊයේ (4) රාත්‍රියේ ශ්‍රී ලංකා නාවික හමුදාව විසින් අත්අඩංගුවට ගනු ලැබ ඇත.
රාමේෂ්වරම් සිට යාත්‍රා දෙකකින් 8 දෙනෙක් ද ජගතාපට්ටිනම්හි සිට සෙසු සිව් දෙනා තවත් යාත්‍රාවකින් ද සිය ගමන ආරම්භ කර ඇත.

වෙරළාරක්ෂක බළකායේ මූලිකත්වයෙන් තලේමන්නාරම හා ඩෙල්ෆ්ට් දූපත් අවට පෙදෙස්හිදී මෙම අත්අඩංගුවට ගැනීම් කර ඇති බව නාවික හමුදා වෙබ් අඩවිය පවසයි.

ධීවරයන් හා යාත්‍රා කන්කසන්තුරේ පිහිටි ධීවර හා ජලජ සම්පත් දෙපාර්තමේන්තුවට බාර දී ඇති අතර ජනවාරි 15 ට යෙදෙන තෛපොංගල් දිනයට පෙර ඔවුන් නිදහස් කරන බවට ධීවර ඇමැති මහින්ද අමරවීර මහතා කර ඇති ප්‍රකාශයක් නිසා ඉන්දීය ධීවර ප්‍රජාව තුළ යම් අපේක්ෂාවක් හටගෙන තිබේ.

අනවසර ඇතුල්වීම මත ශ්‍රී ලංකාවේ විවිධ බන්ධනාගාරවල රඳවා සිටින ඉන්දීය මුළු ධීවරයන් සංඛ්‍යාවෙන් 144 කි.

ඉන්දීය හා ශ්‍රී ලාංකික ධීවර පිරිස් දෙකක් අතර 4 වැනිදා රාත්‍රියේ මුහුද මැද දී හටගත් වචන හුවමාරුවක් ගැටුමක් දක්වා දුරදිග ගිය අතර එහි ප්‍රතිපලය වී ඇත්තේ ඉන්දීය ට්‍රෝලර් යාත්‍රාව විසින් ශ්‍රී ලාංකික බෝට්ටුව හප්පා මුහුදුබත් කිරීමයි.

පසුව ශ්‍රී ලාංකික ධීවර පිරිස මිතුරු ධීවර පිරිසකගේ ද සහාය ලබාගෙන ඉන්දීය ට්‍රෝලරය මුලතිව් වෙරළට රැගෙන ගොස් ඇත.

මූලාශ්‍රය - ද හින්දු



පාකිස්තාන දේශපාලන අස්ථාවරත්වය නවාස් ෂෙරීෆ් අවසන් කරාවි- ජනපති මෛත්‍රිපාල සිරිසේන



පාකිස්තානය හා ශ්‍රී ලංකාව අතර අවබෝධතා ගිවිසුම් අටකට අස්සන් තැබීම කොළඹ දී අද (5) දී සිදුවිය. වෙළෙඳ, ආරක්ෂක, ත්‍රස්තමර්දන යන ක්ෂෙත්‍ර ඇතුලු තවත් ක්ෂෙත්‍ර ඊට අයත් වේ.  වෙළෙඳ ප්‍රවර්ධන, සංස්කෘතික, සෞඛ්‍ය, මුදල් විශුද්ධිකරණය හා ත්‍රස්ත මර්දනය ඇතුලු විවිධ අංශවල අන්තර්සහාය වර්ධනයට මෙම ගිවිසුම් හේතුවනු ඇති බව පාකිස්ථාන අගමැති නවාස් ෂරීෆ් මහතා පැවැසීය. 

ශ්‍රී ලංකාව හා පාකිස්තානය අතර ද්විපාර්ශ්වික වෙළෙඳාමට විශාල අවස්ථා තිබෙන අතර ගිවිසුම් අනුව සිමෙන්ති හා සීනි කම්හලක් මෙරට පිහිටුවන බව ද හෙතෙම පැවැසීය. වෙළෙඳාමේදී ශ්‍රී ලංකාවට  අතිශය අනුග්‍රාහිත ජාතිය බවට පත්වීමට පාකිස්තානය සූදානම් බව ද අගමැතිවරයා කීය. 
මැණික් හා ස්වර්ණාභරණ යන අංශවලට අමතරව අධ්‍යාපන, ආරක්ෂක, විද්‍යා, තාක්ෂණ යන අංශවලදී ද එක්ව කටයුතු කිරීමට රටවල් දෙක එකඟවෙලා තිබෙනවා ..මෛත්‍රිපාල සිරිසේන ජනාධිපතිවරයා ඉතා ඉක්මණින්ම පාකිස්තාන සංචාරයක නිරත වනු ඇතැයි අපි අපේක්ෂාවෙන් සිටිනවා. ″ නවාස් ෂෙරීෆ් වැඩිදුරටත් කීය.
පාකිස්තානයේ දේශපාලන අස්ථාවරභාවය අගමැති නවාස් යටතේ ඉතා ඉක්මණින්ම පහව යාවි. . ජනාධිපති සිරිසේන ද දේශපාලන අනාවැකියක් ප්‍රකාශ කළේ එසේය.
නියෝජිත මට්ටමේ සාකච්ඡා කොළඹ ජනාධිපති මන්දිරයේදී පැවැති අතර පාකිස්තාන වාණිජ ඇමැති කුරාම් ඛාන්, විදෙස් සබඳතා විෂයෙහි අගමැතිවරයාගේ විශේෂ සහකාර තරික් ෆටේමි ද ඊට සහභාගී වූහ.

පාකිස්තාන අගමැතිවරයා හෙට(6) මෙරටින් පිටත්විමට නියමිතය.